مقادير العجينة عجينة( ال10دقائق):
3ك طحين ،1ك حليب دافئ،1/4ك زيت او اقل حسب الرغبة ،2م/ك شكر،2م/ك خميرة ،2م/ك بيكنك باودر ورشة ملح.
طريقة العجن:
ناخذ كوب طحين ونظيف عليه الشكر والخميرة ونعجنه بكوب الحليب الدافئ.ونتركه 10دقائق بعدها نظيف باقي المكونات عليها ونعجن باﻻيد طبعا واذا تحتاجين شوية مي ظيفيلها بشرط مو تكثرين ﻻن العجينة ﻻزم تكون قوية وبهل طريقة العجينة صارت جاهزة.
م*اقصد بال م /ك ملعقة كوب.
الحشوة :
عبارة عن صدر دجاج مقطع شرائح مثل الكص يعني ومتبل بالملح وعصير الليمون والثوم والفلفل اﻻبيض وعرك حار..اقطع بصل شرائح واحمسهم سوة يعني الدجاج والبصل ورة ماينحمس اظيف عليه رشة زعتر ناشف.
طريقة العمل:
اخذ جزء من العجينة وافتحها بلشيبك على شكل قرص واحطها بلصينية مال الفرن المدهونة بشوية زيت بعدها اخذ الجزء المتبقي من العجين وافتحها بلشيبك بعدين براس قدح اقطع العجينة الى اقراص صغيرة واخذ كل قرص واحشيه بلجبن وارجع اسد القرص على شكل كرة واصفطهم فوك قرص البيزا الكبير على الحافات يعني بعدين بالوسط اخلي اول شي صلصلة البيزا موجودة جاهزة بﻻسواق اواذا تحبون تسوها بلبيت عبارة عن معجون محموس وياه توابل وزعتر .بعدها اخلي الحشوة اللي سويناها وفوكاها الجبن الموزريﻻ وتزينوها بحلقات الطماطة والفلفل وكبل على الفرن..
نسيت اكلكم الكرات مسحتها من فوك بلحليب وشوية مي وشكر قبل ما ادخلها الفرن حتى تنطيها لمعة....والف عافية انشالله ماقصرت وياكم...........سهير
منقولة من المطبخ البغدادي
ليست هناك تعليقات:
إرسال تعليق